တောင်းပန်စကား

အကြောင်းအမျိုးမျိုးကြောင့် ကျနော် ဒီ ဘလော့ဂ်မှာ အတန်ကြာအောင် ဆက်မရေးနိုင်ခဲ့ပါ။ လာလည်သူများကို တောင်းပန်ပါတယ်။ အခု ပြန်ရေးပါတော့မယ်။

Block လုပ်ခံရသော Blog များ

ကျနော်တို့နိုင်ငံရဲ့ Internet Connection ကြီးက ဘာကြီးလဲ သိဘူးနော်၊ ခု blog တွေကို Block လုပ်ထားပြန်ပြီ။ တကယ်ပါပဲ ကိုယ့် Blog ကို Block လုပ်ခံရတာလောက် စိတ်မကောင်းတာ မရှိဘူး ...။ ဘယ်သူပဲ လုပ်လုပ် ဘာပဲလုပ်လုပ် ... သူများကို မထိခိုက်ရင် ပြီးရောပေါ့ ... ခုတော့ ...... ဟွန်း

IE တွင် Blog ကို အဆင်ပြေစွာ ကြည့်ရှုနိုင်ရန်

Blog အများစုသည် EOT လုပ်ပြီး ဖြစ်သဖြင့် IE ၌လည်း အဆင်ပြေစွာ ဖတ်ရှုနိုင်ပါသည်။

သို့သော် အကယ်၍ အဆင်မပြေပါက ကျနော် ပြောသလို စမ်းကြည့်ပါ.....။
ဒါလေး ထဲက စာသားတွေကို Notepad ထဲကို ကူးယူလိုက်ပါ။
Notepad ကို save လုပ်ပြီး နံမယ်ပေးမယ်ဆိုရင် နံမယ်နောက်မှာ .css ( dot css) ရိုက်ထည့်ပေးပါ။

ပြီးရင် ထုံးစံအတိုင်း တစ်နေရာရာမှာ save လုပ်ထားလိုက်ပေါ့။


Internet Option ထဲက Accessibility ထဲကို ၀င်လိုက်ပါ။


ကျနော်ပြထားတဲ့ နေရာလေးတွေကို ခြစ်လိုက်ပါ။
Browse Box ထဲမှာ သိတဲ့အတိုင်း CSS ဖိုင်လေးကို ညွှန်းလိုက်ပါ။
ပြီးရင် OK .. ပေးလိုက်ပေါ့။
သင်ပေးတဲ့ ကိုညီလင်းဆက် ကို ကျေးဇူးတင်ပါတယ်။

ရှောက် ရေးထားတာပါ

ငါ့ရင်ထဲကမင်း
နေအစင်းစင်းရဲ့ အလင်းကို ကျော်ဖြတ်လို့
လအစင်းစင်းရဲ့ အေးမြမှုနဲ့အပြိုင်
ခိုင်မာစွာ ပွင့်ခဲ့တဲ့ ပန်းပေါ့။
နမ်းချင်နမ်း ခြူချင်ခြူ
အပြင်လူ ၀င်ခွင့်မရှိတဲ့ငါ့ရဲ့ မှော်ရုံတောမှာ
လွမ်းမောဖွယ် နေ့စွဲတွေကို ကျော်ဖြတ်လို့
ဒို့နှစ်ယောက် ..... ဒန် တန့် တန် ...

ကျနော့ဘ၀

ဘ၀မှာ -
လေယာဉ်ပျံကိုလည်း မောင်းခဲ့ဖူးပြီ ... ဆိုက်ကားလည်း နင်းခဲ့ဖူးပြီ ၊
Trader Hotel မှာလည်း ညအိပ်ခဲ့ဖူးပြီ ... ရထားသံလမ်းကိုလည်း ခေါင်းအုံး အိပ်ခဲ့ဖူးပြီ ၊
ဟော်တယ်က စားကောင်းသောက်ဖွယ် တွေကိုလည်း စားခဲ့ဖူးပြီ ... ထမင်းကြမ်းကိုလည်း ငံပြာရည်နဲ့ စမ်းပြီး စားခဲ့ဖူးပြီ ၊
သူများရဲ့ အဆူအဆဲကိုလည်း ခံခဲ့ဖူးပြီ ... သူများကိုလည်း ဆူဆဲခဲ့ဖူးပြီ ၊
ဘုန်းကြီးတွေကိုလည်း ရှိခိုးခဲ့ဖူးပြီ ... ဘုန်ကြီးအနေနဲ့လည်း လူတွေရဲ့ ရှိခိုးတာကို ခံခဲ့ဖူးပြီ၊ တစ်ယောက်သောသူကိုလည်း နင့်နင့်သီးသီး ချစ်ခဲ့ဖူးပြီ ... တစ်ယောက်သောသူရဲ့ နင့်နင့်သီးသီး ချစ်တာကိုလည်း ခံခဲ့ဖူးပြီ ....
ကဲ ... ဘာလိုသေးလဲ ?????

မြန်မာနိုင်ငံတော် အလံ

ကျနော်တို့ မြန်မာနိုင်ငံတော် အလံမှာ အဓိပ္ပါယ်တွေ ရှိပါတယ်။ အနီရောင်သည် ရဲရင့်ခြင်း ၊ အဖြူရောင်သည် သန့်ရှင်း စင်ကြယ်ခြင်း စသည် ဖြင့်ပေ့ါဗျာ .....။ ပြီးတော့ ရှိသေးတယ် . အရွယ်တူ ကြယ်ဖြူ (၁၄) လုံးသည် ပြည်နယ်နှင့်တိုင်း (၁၄) ခုတို့၏ တန်းတူ ညီတူ ရှိမှုနှင့် စည်းလုံးညီညွတ်မှုပေါ့ဗျာ ..... ။ ဒါပေမဲ့ မြန်မာနိုင်ငံသူ နိုင်ငံသားများ၏ တန်းတူညီတူ ရှိမှု ဆိုတာ မပါဘူးဗျ ..... ။ ရှေးလူကြီးတွေ ဘာလို့များ မေ့နေကြလဲ မသိဘူးနော် ?????

ကျနော့အလုပ်

လူတွေနဲ့ ဆက်ဆံရတာ တစ်ခါတစ်ခါ မကောင်းဘူးဗျာ။ ကျနော့ အလုပ်ကလဲ ဖြစ်ချင်တော့ ကွန်ပျူတာ ရှေ့မှာ ထိုင်ပြီး လုပ်ရတဲ့ အလုပ်ဖြစ်နေတယ်။ အဲဒါကြောင့် ကွန်ပျူတာရှေ့မှာ ထိုင်တာ အပြစ်လားဗျာ..။

တချို့ကပြောတယ် ... "မင်းကအေးအေးဆေးဆေးပဲနော် တဲ့ .။ တနေ့တနေ့ ကွန်ပျူတာ ရှေ့ထိုင်နေရတာနဲ့ ပြီးသွားတာပဲ" တဲ့။ တခါတလေကျတော့ " မင်းကြည့်လိုက်ရင် ကွန်ပျူတာရှေ့မှာပဲ ထိုင်နေတော့တာပဲ" တဲ့။ ဒုက္ခပါပဲဗျာ ကျနော်က ကွန်ပျူတာ ရှေ့ထိုင်မနေလို့ မတ်တပ်ရပ်ပြီး အလုပ်လုပ်ရမှာလား ???? သူများတွေလို စာအုပ်အထူကြီးကိုင်၊ မျက်မှန်လှလှလေး တပ်ပြီး လျှောက်သွားနေမှ အလုပ်လုပ်တယ် ထင်နေလားမသိဘူး ... တစ်ခါတစ်ခါ စိတ်ညစ်တယ်ဗျာ..

လူဆိုးနဲ့ လူကောင်း

ကျနော်က ငယ်ငယ်ကတည်းက လက်ပေါက်ကတ်တတ်တဲ့ ကလေး တယောက်ပါ။ သူများစကားပြောရင်လည်း ပြောင်းပြန် ပြန်တွေးတတ်တဲ့ အကျင့်က ရှိသေးတယ်။ ဇ မကောင်းဘူးပေါ့ဗျာ...။ ခုပြောချင်တာ ငယ်ငယ်က အကြောင်းလေးပါ. ...။
ကျနော်မှတ်မှတ်ရရ (၈) တန်းနှစ်မှာ ဆရာမက ပြောတယ်။ မင်းတို့ လူဆိုးတွေနဲ့ မပေါင်းနဲ့ တဲ့။ လူဆိုး လူမိုက်တွေနဲ့ ပေါင်းရင် ကိုယ်လဲ လူဆိုး ဖြစ်သွားမယ်တဲ့။ လူကောင်းတွေနဲ့ ပေါင်းမှ ကိုယ်လဲ လူကောင်း ဖြစ်မယ်တဲ့ ...။
အဲဒီမှာ ကျနော့ ဇာတိက ပြလာပါတယ်။ ကျနော် တွေးမိတာက ဒါဆိုရင် လူဆိုးနဲ့ လူကောင်း ပေါင်းပေးလိုက်ရင် ဘာဖြစ်သွားမလဲပေါ့ ... ။ အဲဒီအချိန်တုံးက ဆရာမကိုတော့ မမေးရဲလို့ မမေးခဲ့ပါဘူး။ အခုမှ ပြန်သတိရလို့ မေးကြည့်တာပါ။ သိတဲ့လူရှိရင် ဖြေပေးကြပါ။

ကျနော်နှင့် စာဖတ်သူများ

စာမဖတ်ပဲ စာအုပ်ဖတ်တဲ့လူတွေ တွေ့ဘူးပါသလား ?
စာအုပ်ကို မဖတ်ပဲ စာပဲ ဖတ်တဲ့လူတွေရော တွေ့ဘူးပါသလား ?
ကျနော်တော့ နှစ်မျိုးလုံး တွေ့ဘူးတယ်။ လူတော်တော်များများလည်း ကြုံဘူးကြမှာပါ။တချို့က စာအုပ်ထဲက စာကို မဖတ်ခင် အပြင်အဆင်နဲ့ စာရေးတဲ့လူနာမည်ကို အရင်ကြည့်တယ်။ တချို့ကဆို လက်ရေးကိုတောင် ကြည့်သေးတယ်။ တစ်ခုခု အဆင်မပြေရင် အထဲက စာကိုလည်း အထင်မကြီးတော့ဘူး။ ဖတ်လည်းမဖတ်တော့ဘူး။တချို့ကတော့ စာအုပ်ထဲက စာကို အဓိကထားတယ်။ တန်ဖိုးထားတယ်။ကျနော်ကတော့ စာအုပ်မဖတ်ပါဘူး။ စာပဲ ဖတ်ပါတယ်။ ဘယ်သူရေးတဲ့ စာပဲဖြစ်ဖြစ်၊ ဘာနဲ့ ရေးထားတဲ့ စာပဲဖြစ်ဖြစ် ဖတ်ပါတယ်။ ပြီးမှ ဝေဖန်ပါတယ်။
ခင်ဗျားတို့ရောဗျာ ...... ?????

မယ်သီတာနှင့်ဒဿဂီရိ

သီတာရာမ ဇာတ်တော်ကြီးကို ကျနော် ငယ်စဉ်ကတည်းက ကြည့်ခဲ့ဖူး၏။ အတော်များများလည်း ကျနော့နည်းတူ ကြည့်ဖူးကြမည်တင်ပါသည်။
ကျနော် သမိုင်းဆရာမဟုတ်ပါ။ ရာဇ၀င်ဆရာမဟုတ်ပါ။ စိတ်ကူးတည့်ရာ ရှောက်ရေးတတ်သည့် လူပေါတစ်ယောက်ပါ။ အခုလည်း သိသလောက်နဲ့ ရာမ ဇာတ်တော်ကြီးကို ဝေဖန်ပါအုံးမည်။
ရာမမင်းသား သမင်လိုက်ခန်းမှာ ရာမက အယောင်ဆောင်ထားတဲ့ သမင်မှန်းသိရက်နဲ့ ဘာလို့ မယ်သီတာ့ အလိုလိုက်ပြီး လိုက်ဖမ်းရတာလဲ။လက္ခဏကရော သူ့အကိုရဲ့ အော်သံမဟုတ်မှန်း သိရက်နဲ့ ဘာလို့ နောက်က လိုက်သွားရတာလဲ။ ကျနော်ကတော့ ရှင်းကို မရှင်းဘူး။ ရှင်းနိုင်တဲ့လူတွေ ကူပြီး ရှင်းပေးကြပါအုံး။
ပြီးတော့ မယ်သီတာက ပြောသေးတယ် ... ရာမအော်သံ ကြားရက်နဲ့ လက္ခဏက ချက်ချင်း လိုက်မသွားတော့ လက္ခဏကပဲ သူ့ကိုကြိုက်နေသလိုလိုနဲ့ .... အင်း တယ်ခက်တဲ့ မိန်းမတွေပဲနော် ... ယောက်ျားတွေလဲ တူတူပါပဲလေ။

ကျနော်နှင့် လေယာဉ်လက်မှတ်

(5.11.2007) နေ့တွင် နိုင်ငံခြားသွားနိုင်ရန်အတွက် လေယာဉ်လက်မှတ်တစ်စောင် (16.10.2007)ကတည်းက ဗဟိုစာတိုက်ကြီးသို့ ရောက်ရှိခဲ့၏။ ဗဟိုစာတိုက်ကြီးက (19.10.2007) က ဖြန့်ဝေခဲ့ရာ ယနေ့ (2.11.2007)အထိ လေယာဉ်လက်မှတ် ဖြူလားမဲလား မတွေ့ရသေးပါ။ ခေတ်မှီလှသော စာဝေစနစ်၏ မြန်ဆန်သွက်လက်လှသော လုပ်ဆောင်မှုများအောက်တွင် ကျနော့ လေယာဉ်လက်မှတ် မျက်စိလည်နေသလား၊ မသွားတတ် မလာတတ်များ ဖြစ်နေသလား မသိပါ။ တွေ့မိသူများ ရှိပါက ကျနော့ လိပ်စာသို့ လမ်းညွှန်ပေးကြပါ။ ကျေးဇူးတင်ပါသည်။